ليش هالظلم

[shadowprince_1]

اليوم نزلنا ع الكلية على أمل { اللي انتحرت من يومين بسبب شو ؟ مابعرف إنتو جاوبو ع هالسؤال}
إنو تنزل شي مادة بس لكن مع الأسف يوم بعد يوم عم أكتشف أنو عن جد نحن جماعة المحاسبجية رح نبقى مظلومين بس اليوم كان الظلم شبه جماعي

والظلم كان إنو كيف بتنزل مادة محاسبة التكاليف لأقسام التسويق والنظم ولباقي الأقسام مابتنزل إذا كان كل الأقسام ئدمو المادة سوا وبنفس الوقت إذا ليش الخيار والفقوس


بعدين شو صار بالمنشآت المالية من3/1/2010 لليوم8/2/2010 ماخلصت تصحيح طب رجاءا من المسؤولين عطونا تاريخ محدد ونحن راضيين لو كان بعد شهر بس لاتعيفونا هيك


وبشكر الكل وبقول ألف مبروك للي طالعوا التكاليف وعقبال عنا ولنشوف بكرا شو بدو يصير .....

يامحاسبجية ديروا بالكن من الضريبية فصل تاني وإذا بدكن نصيحتي روحوا تفرجوا ع أسئلة التعليم المفتوح لنفس المادة ولنفس الدكتور لأنو اللي بشوف مصيبة غيروا بتهون علي مصيبتوا

[ماروكو]

وانا كمان مقدمة مادة ب 3 واحد وهي
بحوث البطيخ ولهلق ماطلعت رح انتف راسي انا

[Scorpion]

اقتباس:
المشاركة الأصلية كتبت بواسطة shadowprince_1
بس اليوم كان الظلم شبه جماعي

والظلم كان إنو كيف بتنزل مادة محاسبة التكاليف لأقسام التسويق والنظم ولباقي الأقسام مابتنزل إذا كان كل الأقسام ئدمو المادة سوا وبنفس الوقت إذا ليش الخيار والفقوس

هلأ التسويق عندهن تكاليف اوكي

امنا وصدقنا

بس النظم عندهن تكاليف؟؟؟؟؟؟؟؟؟؟؟؟؟؟؟؟؟؟؟

لا هي تقيلة كتير

حاول تخرط شي اصغر

[أبوجعفر الكرماوي]

أنا مصرفجي والحال من بعضو كمان تكاليفنا ماطلعت
دخيلكن حتى لو طلعت مارح تطلع معي فياخدو راحتن ويصححو عأقل من مهلن
وبالتوفيق للجميع بهالمادة