ابو عادل الغالي ... كل سنه وانت سالم شيخ الشاب

[قلب الاسد]

.

اليوم السابع من شباط لعام 2010

هاليوم بصادف يوم غير عادي مر علينا
يوم ولادة شب غير كل الشباب

شب عبط المشفى وسوريا بولادتو

الصديق الغالي الي مافي طلعه الا وبتحلى معو او مشروع بكون رائع بحضورو او سيران وبحليه وبحركو

ابو عادل ( عماد رزوق ) شيخ الشباب

كل سنه وانت سالم يارب وعقبال المليار سنه كلها سعادة وفرح وهنا وعبطة بس بنتيجه

هالشب مميز كتير سبحان الي خلقو

كل شي بالعبطه بجي معو

ماممكن يعصب او حدا يستفزو

اعصابو بارده كتير ومافي منو

وقت الخدمه مابقصر وبكون كفو

احلى ابو عادل وبعرف ماراح اقدر احكي عنك بسطور بس انت من ضمن الاصدقاء النادرين الي بعتز بصداقتهن كتير

كل سنه وانت بصحه وسعاده وبتمنالك التوفيق بحياتك العمليه وعقبال فرحتنا فيك يارب

.

[لعيب الشدة]

بعد غياب لمدة سنة ونصف عن اي مشاركة
تم كسر يمين حلفان دخول المنتدى عشرف أبو عادل الغالي
وبقلك جملة وحدة : أنا حمزة وانت عماد ولحالك بتعرف باقي الكمالة والقصة

Happy Birthday ابو عادل
واكيد لو كنت معك بتعرف شو كنت عملت بس الأيام جاية سنة وبكون معك وقاعد بخلقتك ليل نهار

رح عايدك ب 4 صور معبرات عن هوسنا المعتاد

اول صورة لأبو عادل وهو صغير :

باقي الصور هنن عبارة عن هدايا مني لالك

أكيد رح تمل من هالأشكال اللي عندك بالسعودية

واذا اعتزت شي مالك غير هالصديق الوفي بتلاقيه مع اركيلتو بنص الصحراء انا باعتلك ياه

واذا نسيت شي من كتالوج الاركيلة او لزمك مساعدة هي الخريطة لعيونك

Happy BirthDay My Antim
Happt BirthDay 3imaaaado

وهي صورتنا بأذن الله بعد سنة انت بس طولي بالك

[Leopard]

كل عام وانت بالف خير عماد واكيد انت الك الفضل الكبير بإنشاء هالمنتدى العظيم يلي صار مالنا غنا عنو ..

شكرا الك وكل عام وانت بخير مرة تانية .

[m@x]

سبقتني والله يا ابو اللول ..


طبعا كنت عم جهز الموضوع ونزله .. بس صار شوية تغييرات يعني كنت عم جهزله افكار من كم يوم

مشان هيك رح نزل نفس الافكار ... ورح اوصف عماد رزوق الي هو شيخ الشباب قبل ما يصير التغيير .. يعني قبل الساعه 1.30 من مساء اليوم ...


عماد رزوق .. شيخ الشباب




الاخ العزيز ... عماد .. ابو عادل .. ابو عبطه ... اختلفت التسميات والشخصية وحدة ..


ذكريات كبيرة .. حلوة .. قتيلات .. اختلافات ... لعب .. مزح ... رحلات .. مشاوير ... اجتماعات ..

رح بلش فين شوي شوي




السيارة الجبارة ... سيارة الموقع .. او سيارة عماد ... طبعا كل الي بيعرف عماد لازم يعرف شقد عانت هالسيارة معه .. واكيد الي ساقها بيعرف شقد كانت جبارة ..

طبعا كانت هي آلة التدريب للكل .. وانا شخصيا .. او ما تدربت على السواقة تدربت على هالسيارة ...

والها ذكريات كتير كبيرة عندنا .. وبالاخص الباكاج الادامي لالها

حيث كان السلاح الدائم فيها .. . الي هي مرته لابو عادل التانية ..




اخترتلك هالاركيلة . لانه دوبها ... طبعا هي دورها كتير كبير بالاخص اذا راد عماد يشتغل على الموقع .. اذا لاحظتو التغييرات النوعية الي صارت .. كان السبب الاساسي فيها جودة المعسل في الاركيلة .. طبعا بيحطها للاركيلة بتمو .. وبيتم بيسحب فيها لتحترق .. من ال 9 المسا لل 9 الصبح ( مع تغيير الروس الجاهزة الي جنبه )





هاليوم اكيد بتتذكره ... وكل الشباب بيتذكروه ... يوم الشواء العالمي .. في المحلق .. طبعا كان للسيارة الجبارة دور كبير فيها .. وكان يوم كتير حلو .. وبالاخص بالخيمة :D ( اين انت يا حاااازم :D )





اكيد بتتذكر هالصورة منيح وبتتذكر اصدقاءك واصدقاء حمزة .. كان يوم كتير حلو .. اجتمعنا فيه على تقديم الخير مع اهل الخير





اييييييييييييييه


ايام حلوة .. وذكريات ما بتنتهي كانت مع عماد .. الاخ ابو عادل ..


هل يا ترى انتهت وقت الي سافر ؟

كل واحد من الشباب صار بمكان ...

عماد في السعودية .. سافر بعقد عمل .. والله يوفقك يارب .. بس ياريت تتم عماد وما تتغير ..

طبعا هي قالب الكاتو تبعك بتقدملك ياه البنوتة اللهلوبة .. صفية المزيونة وبتهديك معن سيكارة كمان وبتقلك عقبال ال 100 سنة




اما هديتك .. فاكيد محفوظة


طبعا بعد ما سافرت على السعودية .. صار همك الاول والاخير المصاري ...


رح اهديك هالبكرة من المصاري .. بركي بيمشي الحال


وان شاء الله بكرا الصبح كمان رح حولك على حسابك ببنك بيمو .. رح حولك شوية كاش .. بركي بيمشي حالن ... واذا ما كفوك .. قلي مشان حولك من البقيان منن



طبعا ما رح ننسى غاتووووز ... ولاب توبك المرحوم


الي كان لغاتوووز بصمه عليه





بالنهاية


الله يديم المحبة والاخوة .. الله يديم الصداقة


الله يبعتلك بنت الحلال الي بتسرلك خاطرك

طبعا اهم شي الأخلاق

^^

^^

^^

^^

^^






طبعا هالكلام كان مجهز قبل الساعه 1.30


بس بعد الساعه 1.30
ما قدرت اقول غير كلمة كل عام وانت بخير


( هلق وقت مشاكلك يا**** )



ان شاء الله السنة الي جاي منلاقيك محقق كل الي ببالك ..

[hero--n@r]

كل سنة وانت بألف الف خير عمادووو




أحلى ابو عادل

عقبال المية سنة تقضيهون بسعادة وصحة وتوفيق دائم

أحلى الامنيات لك بعام سعيد مليء بالنجاحات

الهدية لانو مشتاق للاركيلة

أصغر اركيلة بالعالم هي تذكار




أحدث اركيلة كمان

عيد ميلاد سعيد

[Dimmu Borgir]

كل عام وأنت بألف خير عمادووووو

وعقبال ما نفرح فيك

الله ييسرلك أمورك ويوفقك

[هاني]

الأخ الغالي و العزيز عمــــاد شيخ الشباب

كل عام و أنت بألف خير يا رب ...

عماد من الأشخاص الرائنعين يلي بيدخلو على القلب بسرعة بخفة دمه و روحه المرحة و حكايته الظراف

طبعاً أنا إلي ذكريات مع عماد رائعة جداً ... خاصة أول ما أطلقنا الموقع و كنا نسهر عليه و نشتغل سوى لحتى وصل لوضعه الحالي بفضل الله

بتمنالك كل التوفيق عماد بيك و عقبال ما نفرح فيك عن قريب إن شـــاء الله

كل سنة و أنت ســـالم

أحلى عماد

[شاعر السمراء]

كل عام وأنت بخير .... وأتمنى لك من القلب حياة سعيدة ....
وعاماً مليئاً بالخير والنجاح .... :.عماد رزوق.: ....
للحقيقة أنا لا أعرفك شخصياً .... لكن كلام الشباب السابق ....
كافي لنأخذ فكرة جميلة عنك .... كل عام وأنت بخير مرة أخرى ....

[أبو الشباب]

كل عام وأنت بألف ألف ألف خير استاذ عماد
وإن شاء الله السنة الجاي منشوفك مدير قد الدنيا
يعني عنجد بعد ما صار بيناتنا شغل .. عرفت قديش إنك شخص ممتاز
والله يوفقك بكل شيء بتعملوا بحياتك
كل عام وأنت بألف خير

[ناسداك]

عندما تقول عماد رزوق انك تقف امام عتبة رجل غريب مميز بكل شيء تعرفه عن البشر ، يعلمك اشياء واشياء من دون ان تدرك انك امام مدرسة ، والمدرسة تعلم الاركيلة والدخان واشياء اخرى لم استطع ان اتعلمها منه !


لن انسى يوما كل الذكريات التي جمعتنا ، وثقنا منها بالفيديو والصور ، ارسلت لك نسختك في الغربة ، ولكن النسخ الموجودة في عقولنا لن تمحى ولن تضيع ، قضينا اروع الاوقات سوية

كل عام وانت بخير صديقي